CARA DE BICICLETA

CARA DE BICICLETA ikus-entzunezko saiakera bat da, emakumearen eta bizikletaren arteko harremanari buruzko gogoeta egiten duena begirada garaikide batetik. Film zatiek, artxiboko irudiek, testuek, fikziozko eszenek eta bizikletazko soinuek osatzen dute ikus-entzunezko collage hau, emakumearen askatasunari, borrokarako gaitasunari eta erresistentziari egindako kantua izan nahi duena. Abiapuntua gertaera historiko bat da, XIX. mendearen amaierakoa, emakumeak bizikletan ibiltzen hasi zirenekoa. Orduan diagnostikatu zen asmatutako gaixotasun bat, emakumeari bizikletan ibiltzeko asmoa kentzeko.

Cara de Bicicleta film laburrak ibilbide oparoa izan du estatuko zein nazioarteko zinema-jaialdietan. Besteak beste, ZINEBI, Alcances, Avilés Acción, FCM-PNR, Humans Fest, Premios Pávez, In the Palace International Short Film Festival, Guadalajarako Nazioarteko Zinema Jaialdian (Mexiko) eta Cinema a Pedal jaialdian parte hartu du. Ibilbide horretan, gainera, ZINEBIn Publikoaren Saria eta Cinema a Pedal jaialdiko Sari Nagusia eskuratu ditu, filmak publikoaren zein jaialdietako epaimahaien aldetik izandako harrera ona berretsiz.